- Gotopo: Prolongacion di cierre frontera cu Venezuela ta un medida absurdo
- Ultimatum pa dicidi riba suma cu radionan mester paga DUCAPRO tur luna, a vence sin resultado
- Inflacion ta mas abou na Boneiru, mas halto na Sint Eustatius y Saba
- Gobierno Hulandes ta evaluando pa stop su paginanan riba Facebook
- Travel& Leisure: Aruba ta top lista di 10 resortnan all-inclusive den Caribe
Maduro: Presupuesto 2022 ta na Raad van Advies ainda!
ORANJESTAD – Mientras cu na september di 2021 gobierno di Aruba a bisa cu lo trata presupuesto di 2022 na januari di 2022, dialuna mainta minister di finanza Xiomara Maduro a bisa cu e presupuesto ainda ta na Raad van Advies. E no a duna fecha si ta logra entrega e presupuesto ainda pa januari 2022 manera cu a bisa anteriormente. Unabez cu e presupuesto bolbe di RvA, gobierno tin cu manda cambio di esaki y despues numa por manda e presupuesto pa asina parlamentarionan haci pregunta. Pues e tratamento di esaki ta mustra cu lo no ta pa januari mas manera indica inicialmente. Ta conoci cu presupuesto aproba mester ta entrega pa 15 di December di e aña anterior na CAft. Cos cu no tuma lugar pa algun aña caba.
CUMPLI CU CAFT
Segun e mandatario, di e 6 recomendacionan cu e colegio di supervision financiero a manda pa gobierno tuma na cuenta y cambia, solamente 2 gobierno por a cumpli cune awor. E resto, 2 pa 3 lo por cambia na caminda mientras cu 2 sigur (conseho 1 y 2) lo no por cumpli cu ne. E dos puntonan (punto 1 y 2) cu no por cumpli cu ne ta esun cu ta pida pa baha gasto operacional, y tambe ainda no por kita 50% di e recorte pasobra ta pendiente e decision di RMR. Conseho 3 y 6 a cambia caba mientas cu conseho 4 y 5 lo haci e cambionan necesario pa medio di un Nota di Cambio.
SUMA
E aña aki gobierno mester paga 1360 miyon bek, di cuyal 346 miyon ta debe internacional, 904 ta debe cu Hulanda pa loke ta e e.o. loonsusbsidie, cual debe ta madura na april di e aña aki. A cuminsa delibera caba cu Hulanda for di aña pasa pa refinancia esaki pero no a keda cla ainda. Tambe tin 110 miyon cu tin cu paga bek localmente. E presupuesto ademas lo tin un deficit di 291 miyon florin cu ta 5.2% di nos PIB (Producto Interno Bruto).
Video: Ryçond Santos do Nascimento ta considera su entrada den AVP como un eror
ORANJESTAD – Actual parlamentario independiente mr. dr. Ryçond Santos do Nascimento ta considera su decision pa subi lista berde AVP como un di su erornan cu e la comete den su bida. Asina e parlamentario a admiti na e periodista Tito Laclé durante e programa Noticiacla LIVE diamars anochi. E ta splica esaki den un fragment di e programa.
Minister a anuncia mando nobo temporal na Cuerpo di bombero
ORANJESTAD - Cuerpo di bombero temporalmente tin ekipo nobo di maneho. Por lo menos asina minister di husticia Rocco Tjon a anuncia diaranson mainta riba su pagina di Facebook. Esaki despues cu a manda esun cu tabata na cabes, Emilio Geerman cas recientemente. “Awe mainta nos a reuni cu e miembronan nobo di e management team di brandweer. Esaki mirando e ultimo desaroyonan” e minister a cuminsa na bisa.
Acuerdo di colaboracion entre instancianan di salud mental den CAS-BES reforsa
WILLEMSTAD – Recientemente durante un conferencia cu a tuma lugar na Corsou, diferente partner di salud mental (GGZ) den e Caribe Hulandes a logra adelanto den nan esfuerso pa intensifica e acuerdo di colaboracion titula ‘Dutch Caribbean Mental Health’ y a expresa nan deseao di formalisa esaki den un entidad huridico. Meta di ‘Federatie Dutch Caribbean Mental Health’ ta pa promove calidad di cuido di salud mental riba tur e islanan den Reino. E federacion lo facilita intercambionan di experticio di contenido y e parti organisatorio. Principalmente riba e tereno di calidad, desaroyo continuo, ley y regulacion y educacion.
Gobierno y CAFT ta den proceso pa reemplaza actual miembro pa Aruba ora su termino vence
DEN HAAG - E siman aki cu Minister Maduro di Finansa ta na Hulanda, e mandatario a reuni cu Presidente di CAFT, sra. Lidewijde van Olerongen. Minister Maduro a duna un update riba e trabounan pa mehora maneho financiero di Aruba y a repasa e proceso pa yega na un miembro nobo pa Aruba den CAFT ya cu e termino di sra. Helen van der Wal ta bay yega su fin na augustus e aña aki. E mandatario a combersa tambe riba e reglanan presupuestario y e maneho cu ta wordo traha pa trata cu surplus, ya cu pa basta aña Aruba a conoce solamente presupuesto cu deficit y awo Aruba ta trahando cu presupuesto cu surplus.
Oduber: Maneho nobo pa haya permiso pa hotel; Ta permiti solamente Boutique hotels!
ORANJESTAD – Desde awor en adelante, gobiero ta duna permiso solamente pa traha boutique hotel, vs cualkier otro tipo di hotel. Minister Dangui Oduber diamars a anuncia cu a introduci e maneho nobo di otorgamento pa permiso di hotel den cuadro di turismo sostenibel. “E maneho aki ta tene na cuenta cu Aruba no por sigui crece na e velocidad cu e ta bayendo y mester tuma accionan concreto pa frena e cantidad di cambernan cu ainda lo mester construe”.
A prolonga ciere di frontera cu Venezuela cu cuater luna mas
ORANJESTAD – Ora cu a kere cu awor si ta bay habri frontera cu Venezuela pa e parti maritime, manera tabata indica, dialuna anochi gobierno di Aruba a informa cu un biaha mas ta prolonga e ciere di frontera cu Venezuela, te por lo menos augustus di e aña aki. Frontera cu Venezuela ta cera desde aña 2019, na momento cu Gobierno di Venezuela a cera e frontera unilateralmente. Na mei di 2023 a habri e frontera maritimo basa riba palabracionnan haci entre autoridadnan di Aruba y autoridadnan di Venezuela.
Follow NoticiaCla
