• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

• Front Page
• Politica
• Local
  • Social
  • Polis
  • Corte
  • Economia
• Internacional
  • Corsow
  • Region
  • Hulanda
• Deporte
• English
• Opinion
• Live

Opinion: E-government mal ehecuta ta mal propaganda pa servicio digital

– Part 1

Skirbi pa: Gregory Bronswinkel Aruba, March 2021

“Oma y Opa a registra caba pa vacuna ariba e App of e website di DVG? Pasobra Oma y Opa por hasie ariba cel of ariba computer, e ta fasil!”

“Ma mi yiu, nos no tin computer, y nos no sa con pa hasie ariba cel tampoco, con nos ta hasi awor?!”

Na Aruba nos tin varios websites y portalnan online di gobierno. Algun di esakinan ta: Aruba Health App di DVG, BO Impuesto di SIAD, DIMAS su e-registracion, DPL su e-registracion, MiSVB di SVB y algun otro portalnan online. Mayoria di esakinan ta traha riba nan mes y no ta conecta cu otro sistemanan di gobierno. Esaki lamentablemente ta ensera tardansa, falta di eficiencia di han?a informacion necesario di un departamento pa otro.

Gobierno mester ta conciente cu nan no por permiti y nan no tin e recursonan tampoco pa ta “proefkonijn” pa cu ideanan incompetente of agendanan sin sentido, manera votamento y conteo electronico.

Ora di considera e balor berdadero di e plataformanan digital aki, dos pregunta cu ta esencial ta:

1. E plataformanan digital aki ta hasiendo e bida di tur nos hendenan mas fasil y mihor?

2. E plataformanan digital aki ta hasi cu e departamentonan di gobierno ta duna mihor servicio, ta traha mas eficiente, y cu responsabilidad pa cu e ciudadanonan cu nan ta sirbi?

Mescos cu Oma y Opa, hopi otro hende no tin e manera ni conosimiento tecnico pa atende cu e sistemanan digital aki. Esaki ta treciendo hopi mas stress den e comunidad y den e temponan dificial aki di Covid. Alavez, cuanto biaha ta bel e departamentonan aki pa ayudo y no ta han?a contesta, of ta han?a un answering machine, of ta keda 10 minuut ta warda y tin cu sera, perdiendo placa di gasto di telefon y tempo?

Tecnologia ta conosi mundialmente como un di e toolsnan di mas poderoso y esencial pa desaroyo inovativo, social y economico. E desaroyonan aki ta necesario, pero nan mester ta sostenibel pa un bon gobernacion y pa calidad di bida.

Pero con nos lo por hasi uzo di e oportunidadnan cu e plataformanan digital aki ta presenta?

Gobierno tin mester di campeon nan pa maneja y implementa un vision tecnologico, sostenibel y inovativo. Pero mester pensa bon ariba locual ta traha den nos mesun cultura y cu ta satisfice nos necesidadnan. E ora nos lo mester selecta cu cuidao y sin?a di nos mesun conosimiento, experiencia y tambe di otro profesionalnan.

Bottom Line

Con e plataformanan digital actual na Aruba ta afectando e calidad di bida y e derechonan humano di nos ciudadanonan? Paso awendia, hopi hende nan bida ta draai rond di e plataformanan digital aki. Hopi di nos ta biba, sin?a, traha y hunga tecnologia. Abilidad tecnico y un comunidad inovativo ta crucial pa logra yega na un pais cu un bon economia y desaroyo sostenibel. Pa nos por tin exito pa cu e desaroyo inovativo aki, nos mester tin un fundeshi solido di confidencialidad, integridad y disponibilidad.

Sin embargo, si e sistemanan aki no ta fasil pa tur hende por traha cu nan, ainda ta vulnerabel pa hackers, cu e riesgo y peligro pa nos privacidad y derechonan, nos mester corda, “Sopi pura ta sali salo!” y nos no mester ni pensa ariba votamento y conteo electronico prome cu nos rescata nos economia.

Ta continua den Part2...