Partido POR ta exigi retiro di su mesun minister Lopez Tromp

Partido POR ta exigi retiro di su mesun minister Lopez Tromp

Posted on 06/5/2020 12:11 pm AST | Updated on 06/5/2020 1:20 pm AST

ORANJESTAD – Minister Marisol Lopez Tromp tin te dialuna awor, 8 di juni 2020 pa entrega su funcion di minister y retira di partido POR. Asina Andin Bikker, actual lider interino di partido POR y tambe minister di Husticia a bisa diabierna mainta durante un conferencia di prensa urgente. Lopez lo no ta funcionando como minister segun e partido, y mencionando un lista di cosnan cu a bay robez, Bikker a bisa cu partido a dicidi diahuebs cu ta retira confiansa den su mesun minister. Si e no retira, Parlamento por entrega un mocion di desconfiansa y si e mayoria vota pro, e mandatario ta obliga pa retira. 

COSNAN CU A PASA

Segun Bikker, porta e drupel cu a pone e emchi pasa over, tabata e decision di Serlimar (compania cu ta resorta bou di e minister) pa pidi proteccion contra creditornan (surseance van betaling) recientemente. Segun Bikker, e decision pa e compania tuma e decision aki ta crea precedente peligroso, sino cu ta necesario y cu por causa e compania su bancarota. Segun Bikker, lo a pidi surseance van betaling sin cu tabatin aanmaning na nomber di creditornan. Otro asunto cu ta un problema pa partido, ta e forma con Lopez Tromp a dicidi pa atende cu e asunto di Parke Arikok, cerando solamente cierto partinan di entrada pa e.o. ATV y UTV. 

INTERNAMENTE

Loke tabata un problema foi comienso di su funcion como minister for di ora cu Lopez a huramenta como minister fin di januari 2020, segun Bikker, ta cu Lopez Tromp no tabata comunica cu partido. Hopi decisionan tuma como minister, e partido tabata haya sa den prensa. Lopez Tromp lo no ta comunica cu e partido, no ta yega reunion of ta yega reunion laat. Como tal a haci intento hopi biaha pa logra remedia e situacion, pero esaki te na ultimo no a logra tampoco. Como tal e siman aki a dicidi pa ‘pull the plug’. Riba pregunta di noticiacla.com, Bikker no por a bisa ken ta e candidato cu ta reemplasa Lopez Tromp como mandatario. 

PASADO

Lopez Tromp tin un trayectoria politico unda cu despues di a forma parti di partido MEP, el a wordo saca for di partido, pa despues e forma partido di partido AVP. Aki tampoco cos a bay bon y el a tuma su retiro y a subi lista di partido POR. Como miembro di POR, el a asumi e tarea di lider di fraccion den e partido pa parlamento, pa despues e bira minister. 

  • Oduber: Ta desmenti cu no ta paga ambtenaarnan no vacuna contra Covid19 si nan bay den cuarenta

    Oduber: Ta desmenti cu no ta paga ambtenaarnan no vacuna contra Covid19 si nan bay den cuarenta

    ORANJESTAD – “Ningun momento no ta pagando ambtenaar si nan bay den cuarenta y no a vacuna”. Asina minister di salud Dangui Oduber a reacciona riba e noticia cu a circula den cierto medio, y cu a bay asina leu cu gobernantenan Hulandes a haci pregunta riba e tema aki. E tema di e articulo en cuestion a bira conoci ora cu parlamentario Marisol Lopez Tromp a cuestiona e hecho aki, refiriendo na un memo cu lo ta bisa cu no ta paga ambtenaarnan si nan tin cu bay den cuarentena pero no ta vacuna. Gobierno di Aruba (lesa: Minister Dangui Oduber) a reacciona y purba coregi contenido di e articulo. “E articulo y su cabez ta incorecto y no ta basa riba hechos” e mandatario ta cuminsa na bisa. Segun e mandatario, e ta un ehempel evidente pa troce informacion cu metanan di crea sensacion.  

  • Warda di polis di Playa ta muda pa edificio di ex Codemsa

    Warda di polis di Playa ta muda pa edificio di ex Codemsa

    ORANJESTAD – Warda di polis di Playa ta muda pa e edificio di ex Codemsa na Morgenster. Asina minister di Husticia Rocco Tjon a confirma diabierna mainta pa Noticiacla. Hunto cu e warda, lo muda tur departamento di husticia den e edificio aki tambe. E minister no por a duna fecha exacto, pero cu e lo bira un edificio super modern. E idea di muda no ta nobo si. Den pasado recien, tabatin te hasta idea pa muda e edificio di warda di polis di Playa y tur e otro departamentonan den ex Brown Building na Wayaca. Esaki no a sigui tampoco. Mientrastanto siman pasa minister Tjon a haya un recorido amplio di e ex-edificio di Codemsa. Esaki ta e lugar caminda ta bay ubica diferente departamento cu ta resorta bou di e Ministerio aki.

  • Oduber: Tempo tabata factor pakico no a tene destaho pa desaroya Health App

    Oduber: Tempo tabata factor pakico no a tene destaho pa desaroya Health App

    ORANJESTAD – Tempo tabata factor pakico no a tene destaho pa desaroya e Aruba Health App. Asina minister encarga cu Salud Dangui Oduber a contesta un di e preguntanan dirigi na dje door di parlamentarionan di Aruba. E mandatario diaranson a sigura cu recientemente den un carta a contesta miembronan di Parlamento di Aruba sra. Wyatt-Ras y sra. Lopez-Tromp riba nan preguntanan haci tocante entre otro e Aruba Health App, e investigacion cu tin adando y precedimento di pagonan pa cu e PCR test. Y aki ta unda cu e pregunta di destaho publico tambe tabata.

  • Tin 18 miyon florin presupuesta pa paga mitar di e recorte di 12,6% den aña 2022

    Tin 18 miyon florin presupuesta pa paga mitar di e recorte di 12,6% den aña 2022

    ORANJESTAD - Tin 18 miyon florin presupuesta pa paga mitar di e recorte di 12,6% den aña 2022. Pero tur cos ta depende kico Hulanda dicidi den e proximo reunion di RMR. Asina minister di finanza Xiomara Maduro a bisa e siman aki. E suma aki ta refleha den un subida di gasto di 8 miyon na Gasto di Personal y un subida di 10 miyon na gasto di Subsidio. 

  • Premier Wever a tene prome reunion virtual cu secretario di estado nobo Hulandes van Huffelen

    Premier Wever a tene prome reunion virtual cu secretario di estado nobo Hulandes van Huffelen

    ORANJESTAD – Prome Minister Evelyn Wever Croes tabatin su prome reunion virtual cu secretario di estado Hulandes pa Asuntonan di Reino, Alexandra Van Huffelen dialuna mainta despues cu e mandatario a huramenta. E prome mandatario di Aruba a confirma e reunion y a expresa palabranan di felicitacion na e Secretario di Reino pa e siguiente periodo. 

  • Minister ta sigura di no tabata na altura cu no por a tira klapchi mas despues di 1 di januari

    Minister ta sigura di no tabata na altura cu no por a tira klapchi mas despues di 1 di januari

    ORANJESTAD – “Ruman, hiba mi cera anto” tabata reaccion di minister di Finanza Xiomara Maduro riba un pregunta di prensa dialuna mainta, pasobra e la tira klapchi riba dia 6 di januari siendo cu esaki no ta permiti. Despues di esaki no ta permiti mas. Tin un decreto ministerial cu ta permiti tiramento di klapchi te dia 1 di januari pa 1’or di merdia, cu noticiacla a raporta for di 2019, cu ta sigura esaki. No ta conoci si despues esaki por a cambia.  . E mandatario sinembargo a pone un potret di dje despues di a tira pagara pafo di su cura, dia 6, citando cu ta custumber y cultura di Aruba. Ora cu a confronta e mandatario cu esaki no ta ley, y cu e la viola esaki, e contesta tabata cu e no tabata na altura y cu e ora mester bin cere of cobre multa. “Nan sa unda pa haya mi’, e mandatario a sigui bisa. E potret ta di e facebookpage di e mandatario. 

  • Powered by SETAR