Partido politico UPP y su lider ta entrega keho contra minister
ORANJESTAD - Partido politico UPP y su lider Booshi Wever ta entrega keho contra minister Otmar Oduber y ta haci esaki dialuna mainta na ministerio publico. Esaki pasobra nan ta considera cu e proyecto di incinerator tin suficiente punto cu ta castigabel segun Wever. Wever tabata minister encarga cu e.o. Medio Ambiente den pasado y a bin cu proyecto pa resolve e asunto di dump. For di comienso di entrada di Oduber como minister di medio ambiente, Wever tin un ‘guera’ cu e mandatario riba su maneho, indicando cu su (esta Wever) su maneho tabata esun miho.
PETICION OFICIAL
Segun Wever, despues cu dia 1 di april di e aña aki, UPP a hasi un peticion oficial pa haya copia TUR documentonan entorno e destaho bou man pa un incinerator chikito y UPP a tuma tur su tempo pa scrutina y analisa e documentonan, nos a yega na e conclusion cu tin suficiente base pa haci un denuncia oficial na Ministerio Publico pa nan haci nan trabou pa mira cu si tin actonan castigabel a tuma lugar dor di e minister Otmar Oduber y otronan tanto den e sector publico como den e sector priva.
DENUNCIA
E entrega di dicho denuncia lo ser haci dialuna dia 2 di december 2019 pa 10.30 mainta na e oficina di Openbaar Ministerie na Rumbastraat dor di sr. Booshi Wever, lider di UPP, como ciudadano. Despues tin oportunidad pa haya un splicacion en corto di e contenido di e denuncia for di sr.Booshi Wever.
Aruba ta registra e di 53 morto di COVID19 diabierna anochi
ORANJESTAD – Aruba a conoce su di 53 morto di COVID19 diabierna anochi. E portal aki a confirma cu e persona aki ( no ta conoci si ta persona masculino of femenino) tabatin 84 aña di edad y a fayece na su cas, a consecuencia di e virus. Noticiacla ta manda palabra di pesame na famia di e fayecido.
E dos freezernan pa warda vacuna contra COVID19 a yega!
ORANJESTAD – Manera programa, e dos freezernan cu tin cu almacena e dos vacunanan contra COVID19, a yega Aruba diabierna. “ Nos ta satisfecho y contento cu e freezersnan pa warda e vacunanan di Pfizer y Moderna a yega Aruba segun nos planning” minister di salud Dangui Oduber a bisa. “ E freezersnan aki ta sumamente importante pa por warda e vacuna den e temperatura stipula. Dia 15-16 februari e promer vacunanan lo yega Aruba” e la sigui bisa. “ Nos kier vacuna nos poblacion mas liher posibel pa nos por bolbe bek na normalidad” e mandatario a finalisa bisando. Un dia prome e portal aki a raporta cu e generatornan pa e freezernan a yega caba.
Aruba a raporta 54 caso nobo positivo di COVID19 diabierna
ORANJESTAD - Segun resumen di awe, a registra un total di 54 caso nobo di COVID-19, di cual 53 ta residente y 1 no-residente. Cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 665 test. 'Postivity rate' entre nos residentenan ta 18%. Tambe tin 95 persona a recupera.
CBD oils: Obtenibel na Botica di Servicio
Polis a detene 21 persona durante prome dos siman di TDQ pa 2021
ORANJESTAD – Polis a haci 21 detencion durante e Toque de Queda (TDQ) for di 31 di December 2020 te cu 13 di januari 2021. Asina Alto Comisario Vanessa Tjon-Kock a bisa durante e conferencia di prensa riba COVID19 diahuebs anochi. A bisa si cu pueblo a comporta su mes mas miho durante e periodo di TDQ.
Tromp: Por bisa cu Aruba a drenta e di tres ola di COVID19
ORANJESTAD – Por confirma y sali for di punto di bista cu Aruba a drenta oficialmente den e di tres ola di COVID19. E epidemiologo Garreth Tromp a confirma esaki diahuebs anochi pa noticiacla durante e conferencia di prensa riba COVID19. Ta spera cu awor por cuminsa reduci e cantidad cu a yega pasa 100 recientemente y cu awor ta mustra di ta bahando. Asina mes prome minister Evelyn Wever a informa cu e ta keda preocupa cu e cantidad average di 60 caso pa dia, cu sigur ta halto. Y cu si mira e cantidad di pashent hospitalisa (24) di cual 11 ta den ICU, esaki ta un otro preocupacion.
Follow NoticiaCla
