Edjean Semeleer y Sharella Lopez Rey y Reina di dande 2018

Posted on 12/31/2018 1:14 pm AST | Updated on 12/31/2018 1:16 pm AST

ORANJESTAD - Nos Rey di Dande 2018, Edjean Semeleer a mustra cu un tiki creatividad y e talento musical di e tipico e por pone sauce den e sonido manteniendo e integridad di e structura di e dande. Su corona ta un simbolo cu tradicion no ta significa stagnacion. Nos Reina di Dande 2018, Sharella Lopez a convence e huradonan y e publico presente cu un presentacion dinamico yena di forza y fe den su mes y e palabranan cu ela canta. Masha Pabien! Tambe ta gradici Minister di cultura Sra. Xiomara Ruiz, kende a keda te na final pa coronacion di e Rey y Reina di Dande 2018. Digicel ta gradici e medionan di comunicacion cu a percura pa transmision di e festival pa asina cu henter Aruba hunto cu Digicel por a goza di e gran festival aki.

  • Powered by SETAR