- Colombianonan na Aruba por vota te cu diadomingo pa di dos ronda presidencial
- A.T.A. ta intensifica su strategia pa mantene Aruba como lider den Caribe
- ATA: Aruba ta atrae mas turista cu entrada anual di USD 150 mil y mas
- Banco Central a publica informe estadistico cu panorama completo di economia Arubiano
- Conseho di Europa ta mantene Corsou bou supervision reforza
- Colombianonan na Aruba por vota te cu diadomingo pa di dos ronda presidencial
- A.T.A. ta intensifica su strategia pa mantene Aruba como lider den Caribe
- ATA: Aruba ta atrae mas turista cu entrada anual di USD 150 mil y mas
- Banco Central a publica informe estadistico cu panorama completo di economia Arubiano
- Conseho di Europa ta mantene Corsou bou supervision reforza
NoticiaCla.com. awe ta celebra 2 aña di existencia!
ORANJESTAD - NoticiaCla.com awe ta celebra 2 aña di existencia y como tal ta di fiesta. Tabata exactamente 2 aña pasa (2 juli 2014) cu e website www.noticiacla.com a wordo lansa den aire pa su excelencia minister di telecomunicacion Mike de Meza, y dos aña despues e website por ta orguyoso di ta un medio respeta den comunidad y cu ta wordo uza grandemente tanto local como internacional como e fuente di noticia di confiansa. Despues di dos aña, e portal ta solido y a demonstra derecho di existencia. NoticiaCla.com kier cuminsa na gradici tur su patrocinadornan, sigur esnan cu desde su comienso, a deposita nan confiansa. "Sin boso, no tin e website y sigur no grandi manera cu e ta". Awe nan tur t'ey keto bay y a sigui cu NoticiaCla.com y confirma nan participacion pa largo.
FUTURO DI NOTICIACLA
Ademas, NoticiaCla.com a extende su servicio y añadi un seccion Hulandes cu ta practicamente un portal riba su mes. E intencion ta cu prome cu fin di aña noticiacla.com lansa su app pa smartphone, y expande aun mas pa loke ta otro areanan manera mas idioma. Usando tur tecnologia posibel, NoticiaCla.com a incorpora e parti di bay 'live' via facebook live stream, y tambe cu uzo di e.o. drone shot, duna e cobertura un angulo mas dimencional. NoticiaCla.com a expande tambe na radio, cu e noticiero 'noticiacla-merdia' tur merdia na Power FM 101.7, y asina e noticianan di e website ta yega aun mas leu. Y pa loke ta FACEBOOK, cu casi 10.000 miembro (no cumpra!!) den apenas 2 aña cu a like e pagina di FACEBOOK di NoticiaCla.com, e ta comproba cu e interes ta grandi. For di e fin di siman aki lo inicia live drone shots tambe via su pagina di facebook. Ta trahando pa link esaki cu e website tambe. Desde otro siman, NoticiaCla.com lo ta mas visibel riba caminda tambe, danki na cooperacion di un di su patrocinadornan cu lo keda anuncia proximamente tambe. Un biaha mas, masha danki, dank u, thank you, pa a haci www.noticiacla.com den apenas 2 aña di tempo, un fuente indispensabel di noticia local y internacional, cu su base na Aruba.