Banco Central a publica informe estadistico cu panorama completo di economia Arubiano

ORANJESTAD – Banco Central di Aruba (BCA) a publica   su Annual Statistical Digest 2025 (ASD 2025) oficialmente, un informe estadistico cu ta ofrece un panorama amplio di e situacion economico, financiero y social di Aruba.

E publicacion ta reuni un gran cantidad di datonan oficial relaciona cu diferente area importante di economia Arubiano, incluyendo e sector financiero, actividad economico, comercio exterior y finansa publico. E informacion ta brinda un bista completo di e desempeño y desarrollo di pais durante e ultimo añanan.

Segun BCA, e ASD 2025 ta un herment importante pa investigadornan, empresario nan, estudiante nan y formuladornan di politica publico. E informe ta permiti analisa tendencia economico, evalua desempeño di diferente sector y contribui na toma di decisionnan basa riba dato confiabel.

Ademas di tabla y cifra, e publicacion ta inclui varios graficonan y ilustracionnan visual cu ta facilita comprension di e informacion estadistico y ta yuda den preparacion di analisis y recomendacionnan di maneho economico y financiero.

Banco Central a indica cu e publicacion ta disponibel pa consulta y descarga riba su website oficial. Persona cu tin pregunta of comentario tocante e informe por tuma contacto cu Departamento di Estadistica di BCA.