TripaAdvisor: Bucuti & Tara Beach Resort #1 mas romantico na mundo

EAGLE BEACH - Despues di e gran honor di keda nombra den TOP 10 Hotel na Mundo riba TripAdvisor® y como e No. 1 Hotel den Caribe, Bucuti & Tara Beach Resort a ricibi mas reconocimento como #1 Hotel mas Romantico na Mundo riba TripAdvisor®. Ademas U.S. News & World Report a nombra Bucuti como e Hotel No. 1 na Aruba. U.S. News & World Report ta un editor di consehonan y informacion pa consumidor cu ta duna un relato anual y ta honra hotelnan cu ta brinda experencianan excepcional y servicionan di calidad halto.

AAA FOUR DIAMOND AWARD

Adicionalmente Aruba su prestigioso boutique Hotel, solamente pa adulto, a ricibi e prestigioso ‘AAA Four Diamond Award’ pa di dos aña consecutivo. “Nos ta sinti nos mes honra pa ricibi e premionan aki pa e experencia excepcional cu nos bishitantenan fiel ta gosa di dje den nos ambiente trankilo y romantico y pa e reconocimento nan ta duna na nos staff talentoso y dedica,” segun propietario di Bucuti y ambientalista reconoci Sr. Ewald Biemans.

TRIPADVISOR

TripAdvisor tin mas cu 950,000 hotel riba e website unda turista ta skirbi nan opinion di nan experiencia y a ricibi mas cu 290 miyon opinion di bishitante. E nivel di satisfaccion di e bishitantenan ta cualifica un hotel pa ricibi e gran honor nan aki cu ta un honor pa nos isla Aruba tambe.