Schiphol ta limita cantidad di vuelo na 478.000 pa aña

DEN HAAG — Un decreto nobo pa trafico aereo na aeropuerto Schiphol na Hulanda, a drenta na vigor dia 1 di november 2026, estableciendo un maximo di 478.000 movimiento di avion pa aña, di cua 27.000 por tuma luga durante anochi.

E regulacion ta establece reglanan mas cla pa zonido, seguridad, emision y proteccion di residentenan rond di aeropuerto. Prome cu pandemia, Schiphol tabata registra aproximadamente 500.000 vuelo anual.

Director di Schiphol, Pieter van Oord, ta considera e decreto un paso importante pa termina añanan di incertidumbre huridico.

Sinembargo, organisacionnan ambiental ta cuestiona e regulacion y a recurri na Raad van State, argumentando cu e ta legalisa contaminacion di zonido y dañonan na salud.

Minister Vincent Karremans no ta exclui cu Schiphol por crece atrobe te na 500.000 movimiento anual, pero solamente si e cumpli cu condicionnan estricto tocante zonido.