Minister Croes ta prepara modernisacion di enseñansa MAVO na Aruba

ORANJESTAD — Minister di Educacion Gerlien Croes, hunto cu Departamento di Enseñansa Aruba (DEA), directornan y docentenan di MAVO, a continua cu e di dos sesion di dialogo nacional pa evalua y modernisa enseñansa MAVO na Aruba.

E meta ta pa actualisa curiculo, mehora calidad di enseñansa y adapta educacion na necesidadnan actual di studiantenan, sociedad y mercado laboral.

Durante e encuentro, participantenan a discuti coordinacion entre scolnan, claridad den maneho educativo y preparacion di studiantenan pa nan siguiente paso academico of profesional.

Segun Croes, experiencia di directornan y docentenan ta esencial pa identifica problema y desaroya solucionnan practico.

E recomendacionnan di e dialogo lo sirbi como base pa futuro decisionnan y mehoracionnan den enseñansa MAVO. Ainda no a anuncia medidanan concreto ni fecha pa implementacion.