Southwest ta lansa vuelo directo Nashville–Aruba na maart 2027

ORANJESTAD — Southwest Airlines ta amplia su red internacional cu 11 ruta nobo entre november 2026 y juni 2027, incluyendo un conexion directo entre Nashville, Tennessee, y Aruba, cu ta programa pa cuminsa na maart 2027.

Segun informacion di empresa di analisis di aviacion Cirium, Southwest lo ta e unico aerolinea cu vuelo directo entre Nashville y Aruba, creando un conexion nobo cu mercado turistico Mericano.

E expansion ta inclui tambe vuelo directo for di Nashville pa Costa Rica, Bahamas y Turks and Caicos, mientras Austin y otro ciudadnan Mericano ta haya conexionnan nobo cu destinacionnan Caribense.

E ruta nobo Nashville–Aruba ta representa un oportunidad pa fortalece turismo for di Estados Unidos y atrae bishitantenan di un mercado adicional.