Trabou di asfalt na Colony ta avansa mas lihe cu planifica

SAN NICOLAS — Dienst Openbare Werken (DOW) ta progresando rapidamente cu e trabounan di asfalt na Colony, como parti di e programa di mehoracion di careteranan na Aruba.

E trabounan preparatorio y di frees caminda ya a termina, mientras colocacion di asfalt ta avanzando mas lihe cu inicialmente planifica. E prome fase ta cerca di finalisa.

Minister di Infrastructura René Herdé y Minister di Turismo Wendrick Cicilia a expresa nan satisfaccion cu e progreso, destacando e importancia di careteranan miho pa siguridad, accesibilidad y turismo.

Preparacion pa e di dos fase lo cuminsa pronto, cu mas informacion pa sigui.