Witkoff ta negocia paz cu Putin mientras Rusia ta prepara prome envio di diesel pa Merca

SINT-PETERSBURG — Enviado special di Merca, Steve Witkoff, a reuni cu presidente Ruso Vladimir Putin pa discuti propuestanan pa pone fin na guerra na Ucrania, incluyendo un posibel encuentro entre Putin, Donald Trump y Volodymyr Zelensky.

E negociacionnan ta inclui tambe un acuerdo petrolero entre Rusia y Merca. Vicepromer minister Ruso Alexander Novak a anuncia cu e prome tankero cu 40.000 ton di diesel Ruso ta programa pa sali dia 22 di october rumbo pa Merca, cu mas cargamento pa sigui.

Durante e bishita, Rusia a libera e ciudadano Mericano Stephen Hubbard, di 74 aña, deteni desde 2022 bou di acusacion di participa como mercenario den guerra na Ucrania.

Zelensky ta insisti cu Ucrania y Europa mester participa den cualkier negociacion pa un paz duradero. Mientras tanto, atakenan Ruso ta continua na Ucrania, causando morto y heridonan entre e poblacion civil.