Sulima Geerman: Contribui na futuro di turismo ta mas cu critica

ORANJESTAD — Sulima Geerman ta apela na Arubanonan pa participa activamente den e futuro di turismo, entre otro dor di yena y comparti e Local Sentiment Survey di ATA.

Su apelacion a sigui un encuentro di Professional Women’s Network Aruba, durante cual directora di AHATA, Tisa LaSorte-Henriquez, a presenta cifranan y dilemanan di e sector. Segun Geerman, e presentacion a mustra cu opinionnan publico y e hechonan no semper ta cuadra.

Geerman ta sostene cu preocupacion y critica so no ta suficiente: ciudadanonan mester contribui na solucionnan. E encuesta di ATA ta busca compronde con habitantenan ta experencia e impacto di turismo y cua ta nan preocupacionnan y expectativanan. Fuente, aruba.nu