Mas di 550 trahado di Gobierno ta haya acceso na pensioen via Stichting Algemeen Pensioenfonds Aruba

ORANJESTAD — Gobierno di Aruba a firma un acuerdo cu Stichting Algemeen Pensioenfonds Aruba (APFA) dia 14 di october pa incorpora mas di 550 trahado cu contract di trabou den e arreglo di pensioen NPRfit. Pais Aruba ta e prome dunado di trabou cu ta afilia na e arreglo aki.

E acuerdo ta dirigi na empleadonan cu no ta cubri pa e pensioen regular di ambtenaarnan. Nan por acumula pensioen adicional na AOV, cu un acumulacion anual di 1,75% di e base salarial pa pensioen. E edad regular di pensioen ta 65 aña, y e arreglo ta inclui proteccion pa sobrevivientenan segun e condicionnan di e reglamento.

Minister di Finansa Geoffrey Wever a indica cu Gobierno mester atende e futuro financiero di e grupo aki: “Como dunado di trabou, Gobierno tin e responsabilidad.”

E comunicado no ta specifica e fecha di inicio di acumulacion ni e contribucion cu Gobierno y trahadornan lo paga.