Antwone Kelly ta cerra prome temporada den MLB cu ocho aparicion

ORANJESTAD — Pitcher Arubano Antwone Kelly a cera su prome temporada den Major League Baseball (MLB) cu ocho aparicion como relevista pa Pittsburgh Pirates. E hoben di 23 aña a debuta dia 12 di juni, birando e di siete hungado di Aruba cu ta yega e liga mayor.

Kelly a termina cu un ERA di 4.82 y 14 strikeout den 18⅔ inning, sin victoria ni derrota. Despues di varios biaha cu nan a manda e bek pa Triple-A Indianapolis, el a keda den e plantel di Pirates desde 10 di september te final di temporada.

Den Triple-A, el a registra cinco victoria y seis derota cu un ERA di 4.24. Pittsburgh Baseball Now ta clasifica Kelly como e prospecto number 21 di Pirates. Su fastball por alcanza 100 milla pa ora, pero e analisis ta indica cu e mester sigui refina su lanzamentonan pa consolida su lugar den MLB.