Aruba y otro paisnan di Reino ta explora plataforma pa mas oportunidad na Union Europeo

WILLEMSTAD — Representantenan di Aruba, Corsou, Hulanda y otro islanan Caribense di Reino a reuni dia 1 y 2 di october na Corsou pa delibera tocante creacion di un plataforma nobo di Union Europeo (EU-Platform).

E meta ta pa fortalece posicion di Reino na Brusselas y facilita acceso na fondonan Europeo pa e paisnan y territorionan ultramar (LGO), incluyendo Aruba.

E plataforma por yuda cu identificacion di oportunidadnan di financiamento, intercambio di conocemento y capacitacion, respetando autonomia di cada pais.

E shete partinan di Reino lo sigui traha hunto pa defini funcionnan y actividadnan di e plataforma.