Caribbean Journalism Seminar a enfoca riba AI, innovacion y responsabilidad periodistico

ORANJESTAD — Red Arubiano di Prensa Profesional (RAPP) a organisa di 25 pa 27 di september su di tres Caribbean Journalism Seminar, e biaha aki cu enfoke riba innovacion y uzo responsabel di inteligencia artificial den periodismo.

Durante tres dia, periodista y profesionalnan di media a participa den presentacionnan y workshop practico tocante uzo di ChatGPT, Claude, vibe coding y otro hermentnan di AI pa investigacion, analisis, produccion y desaroyo di formato nobo.

E programa a enfoca tambe riba e riesgonan di AI, incluyendo informacion incorrecto, privacidad, transparencia y proteccion di fuente. RAPP a subraya cu, apesar di e posibilidadnan tecnologico, verificacion, criterio humano y responsabilidad editorial ta keda indispensabel.

Entre e presentadornan tabatin Rodolfo Rodriguez, Vincent Smit, Noel Algarín-Martínez y Laurens Ras. E seminarionan a combina entrenamento tecnico cu discusion riba etica y e futuro di periodismo.

Segun RAPP, e meta ta pa periodista por adopta tecnologia nobo sin perde independencia, pensamiento critico y responsabilidad pa e informacion cu nan publica.