MEP ta pidi claridad riba prestamo di Afl. 50 miyon di SVB na Gobierno

ORANJESTAD — Fraccion MEP ta pidi Minister di Salud Publico pa duna claridad tocante e decision di Sociale Verzekeringsbank (SVB) pa pone Afl. 50 miyon na disposicion di Gobierno na un interes di 3% pa aña.

Segun MEP, e porcentaje di interes ta mas abou cu loke SVB posiblemente por haya cu otro inversionnan. E partido ta pidi pa aclara si SVB a compara diferente opcionnan y cuanto entrada di interes e institucion eventualmente ta laga pasa cu e transaccion.

MEP kier sa tambe ken a aproba e decision, riba cua base financiero y cua garantia tin cu interes di aseguradonan y pensionadonan ta keda proteha.

E fraccion ta enfatisa cu, tratandose di fondo destina pa proteccion social, transparencia y responsabilidad ta esencial.