Menor di edad ta muri den accidente di trafico grave na Corsou

WILLEMSTAD — Un menor di edad a perde su bida dialuna anochi den un accidente serio na crusada di Caracasbaaiweg cu Kaya Damasco na Corsou. Dos otro menor di edad cu tabata den e mes SUV a resulta herida y a wordo transporta pa Curaçao Medical Center.

Segun e investigacion preliminar di polis, un SUV a subi Caracasbaaiweg for di Kaya Damasco sin duna preferencia, causando un choque cu otro vehiculo.

E chauffeur di e SUV cu tres ocupante a sufri heridanan mortal y a wordo declara morto na e sitio. Condicion di e dos otro menor di edad ainda no a wordo divulga.

Identidad di e victima ainda no a wordo confirma oficialmente. Polis di trafico ta sigui cu investigacion.