Investigacion: presencia Chines na Aruba (e.o) ta crece, pero influencia estatal ta limita

ORANJESTAD — Un investigacion nobo tocante Aruba y otro islanan Caribe den Reino Hulandes ta conclui cu presencia Chines a aumenta durante e ultimo decadanan, principalmente via migracion, empresa y actividad economico priva. Sinembargo, e estudio a haya poco evidencia di un aumento sustancial den influencia directo di Estado Chines.

E rapport, Chinese Presence and Geopolitical Resilience in the Caribbean Parts of the Kingdom of the Netherlands, ta analisa Aruba, Bonaire, Curaçao, Saba, Sint Eustatius y Sint Maarten. Un punto central ta cu presencia economico of social no necesariamente ta nifica influencia politico dirigi pa China.

E estudio ta señala cu e economianan chikito y habri di e islanan ta altamente dependiente di actor externo pa importacion, energia, infraestructura digital, logistica, turismo y seguridad. P’esey, e recomendacionnan ta inclui diversificacion di dependencia, mihor intercambio di informacion, supervision y cooperacion mas fuerte dentro di Reino.

E investigashon, haci den cuadro di China Knowledge Network cu participacion di Clingendael y investigador local, ta basa entre otro riba 43 entrevista cu stakeholdernan den e islanan.