Flávio Bolsonaro dilanti Lula; Brasil ta bai pa segundo ronda

BRASILIA — Flávio Bolsonaro a termina prome den e prome ronda di eleccion presidencial di Brasil cu alrededor di 47% di voto, dilanti presidente Luiz Inácio Lula da Silva cu cerca di 45%.

Como ningun di e dos a logra mayoria absoluto, nan lo enfrenta otro den un di dos ronda dia 25 di october.

E resultado ta sorprendente, pasobra diferente encuesta prome cu eleccion tabata proyecta un bentaha pa Lula. Bolsonaro, yiu di ex-presidente Jair Bolsonaro, ta sigui un agenda conservativo y a bisa cu e kier busca amnestia pa su tata, kende ta cumpli un sentencia di 27 aña relaciona cu un intento di golpi di estado.

Lula, di 80 aña, ta enfoca su campaña riba programa social, sosten pa famianan cu menos entrada y proteccion di Amazona.

Awor, e votonan di e otro candidatonan cu no a pasa pa segundo ronda por bira importante den e bataya final entre Bolsonaro y Lula.