HPV-vacuna awor tambe pa mucha homber den klas 6

ORANJESTAD — Directie Volksgezondheid (DVG) ta amplia vacunacion contra HPV durante Campaña Nacional di Vacunacion Escolar 2026-2027. Banda di mucha muher, cuminsando e aña aki mucha homber den klas 6 tambe lo por haya e vacuna.

HPV, of papiloma virus humano, ta un virus comun cu por causa diferente tipo di cancer mas laat den bida, tanto cerca hende muher como hende homber. E vacuna ta wordo duna na edad tempran, prome cu un persona probablemente wordo exponi na e virus, pa brinda proteccion mas efectivo.

Segun DVG, vacunacion di mucha muher y mucha homber ta amplia proteccion contra cancer relaciona cu HPV, incluyendo cancer na boca di matris, boca y garganta y penis.

Promer cu vacunacion, mayor of representante legal mester duna permiso. Sin autorizacion, Jeugdgezondheidszorg no ta administra e vacuna.