Aruba ta registra aumento fuerte den biahenan di herfst

ORANJESTAD — Interes pa biaha Aruba durante herfst (entre september y november) a aumenta fuertemente. Segun dato nobo di Squaremouth, biahenan pa Aruba durante e temporada aki ta 53,93% mas halto, un aumento cu ta sobresali den Caribe.

E tendencia ta wordo relaciona cu un temporada di horcan relativamente mas trankil y cu cambio den comportamiento di biahero, cu cada biaha mas ta move nan vakantie for di verano pa september, october y november. Squaremouth tambe a indica cu calor extremo na Europa ta haci cierto biahero reconsidera nan plan di verano y opta pa herfst.

Aruba ta beneficia particularmente di su ubicacion den sur di Caribe, caminda e riesgo percibi di huracan ta diferente compara cu hopi isla mas pa noord. E aumento actual ta sigui un aña di crecimiento turistico, despues cu Aruba a registra 427.343 stayover visitor den prome kwartaal, 8,9% mas cu un aña prome.

Segun e analisis, e combinacion di mas conexion aereo, oferta hotelero amplio y demanda repetitivo ta haci Aruba cada biaha menos dependiente di temporada tradicional y mas parecido na un destino turistico di henter aña.