Dowers na Corsou pa fortalece cooperacion di husticia y seguridad den Reino

WILLEMSTAD — Minister di Husticia Arthur Dowers ta na Corsou pa participa na e Justitieel Vierlandenoverleg, hunto cu e ministernan di Husticia di Corsou, Sint Maarten y Hulanda.

E reunion, cu ta tuma lugar dos biaha pa aña, ta enfoca riba cooperacion entre e cuatro paisnan den Reino den area di husticia y seguridad.

Durante e encuentro, e delegacionnan ta intercambia informacion y experiencia y ta trata temanan cu ta afecta tanto cada pais individualmente como Reino completo.

Pa Aruba, participacion na e reunion ta brinda oportunidad pa sigui fortalece cooperacion cu e otro paisnan den Reino riba temanan di husticia y seguridad.