AVP: Prevencion y movemento ta clave pa mihor salud

ORANJESTAD — Fraccion di AVP ta enfatisa importancia di inverti den prevencion y actividad fisico pa promove un Aruba mas saludabel, despues di un presentacion di organisacion Movemento Ta Bida den Comision di Salud di Parlamento.

Durante e reunion, Madel Jacopucci y Rudy Leysner a presenta e trabou di Movemento Ta Bida, cu enfasis riba actividad fisico, prevencion y un estilo di bida saludabel. Un di e mensahenan principal ta cu adulto mester move por lo menos 30 minuut pa dia.

Segun Fraccion di AVP, organisacionnan cu ta traha directamente den comunidad por aporta informacion importante pa desaroya politica publico cu ta conecta mihor cu necesidadnan di pueblo.

AVP a indica cu lo sigui sostene iniciativanan enfoca riba prevencion, bienestar y un estilo di bida mas activo.