DIMAS ta mehora servicio y lansa app pa conecta buscado di trabou cu empresa

ORANJESTAD – Minister di Husticia Arthur Dowers a reuni cu directiva di DIMAS pa ricibi actualisacion riba dos proyecto nobo enfoca riba mehora servicio y modernisa proceso.

DIMAS a presenta su Customer Care Project, cu ta enfoca riba mehora atencion na cliente, planificacion y eficiencia di servicio.

Ademas, DIMAS y Organisacion Internacional pa Migracion (IOM) a presenta un aplicacion nobo dentro di Hunta pa Progreso – Spoor 4. E app ta conecta participantenan cu empresanan cu ta busca personal y por facilita cambio di garante ora tin un match adecuado.

Despues di evaluacion, e aplicacion por wordo amplia pa otro grupo, incluyendo personanan cu ya tin permiso y buscadonan di trabou local.

Dowers a reacciona positivamente y ta considera cu e sistema por contribui na un servicio mas simpel, accesibel y eficiente.