Gabinete di Gobernador ta bira propietario di Cas Ceremonial via convenio cu Pais Aruba

ORANJESTAD – Pais Aruba y Gabinete di Gobernador di Aruba a cera un convenio di erfpacht cu ta permiti Gabinete di Gobernador bira propietario di e edificio na Maria Christinastraat 2, miho conoci como Cas Ceremonial.

E acuerdo a wordo firma diaranson 19 di augustus den presencia di Gobernador Alfonso Boekhoudt. Minister Rene Herdé a firma na nomber di Pais Aruba, mientras director di Gabinete, señor Warnink, a firma pa Gabinete di Gobernador.

Segun e comunicado, e convenio ta crea posibilidad pa Gobernador y su Gabinete uza Cas Ceremonial den futuro na un manera mas eficiente y sostenibel. E edificio ya tin un funcion historico importante y actualmente ta wordo uza pa ocasionnan ceremonial y recepcionnan oficial.