Eclipse solar excepcional ta causa subi prijs di hotelnan na Spaña

MADRID - Un eclipse solar excepcional lo tuma lugar diaranson 12 di augustus, cu parti di Europa por mira solo desaparece completamente tras di luna. Na Spaña, Islandia y un parti di Portugal lo por mira un eclipse total, mientras cu otro paisnan Europeo lo mira solamente un parti di solo cubri.

Na Spaña, e eclipse ta atrae miles di bishitante, especialmente den regionnan cu ta den e ruta di eclipse total. E demanda grandi a causa prijsnan di hotel y otro alohamiento subi drasticamente.

Segun un analisis di mas cu 5.500 alojamiento den Spaña, prijsnan a subi den mas cu mitar di e municipionan studia. Zaragoza a registra e aumento mas grandi, cu un prijs promedio aproximadamente 807% mas halto compara cu un siman prome. Na Soria, Leon y Burgos e aumentonan tambe ta pasa 500%.

Alrededor di 70% di alohamientonan den e zona unda eclipse total ta pasa, a aumenta nan prijs. Personanan cu a reserva mas tempran a paga considerablemente menos cu esnan cu a busca un camber apenas algun siman prome cu e evento.

E eclipse total na Spaña lo tuma lugar rond di 8:30 di anochi, ora local, y e fase di scuridad completo lo dura menos cu dos minuut na mayoria di lugarnan. Specialistanan ta enfatisa cu hende mester usa bril special certifica pa wak solo durante e eclipse.