Aruba ta cuminsa Mundial Intermediate Little League awe contra Asia-Pacific

LIVERMORE, California – E ekipo di Aruba ta drenta den accion awe, dialuna 3 di augustus, den su prome partido di Intermediate (50/70) Little League World Series, representando Region di Latinoamerica.

E contrincante di Aruba ta e representate di Asia-Pacific, cu a logra clasifica despues di gana Australia contundentemente cu 10-0 diadomingo.

E partido, correspondiente na e di cinco encuentro den e bracket internacional, lo hunga na Max Baer Park na Livermore, California. Pa fanaticonan na Aruba, e prome lanzamiento ta programa pa 12:00 merdia, ora di Aruba.

E partido por wordo sigui na vivo via ESPN App y ESPN+.

Aruba ta spera di cuminsa e campeonato cu un victoria mientras cu e equipo ta representa Region di Latinoamerica den un torneo cu ta reuni e mihor ekiponan huvenil di henter mundo.