BMW lo corta 8.000 puesto di trabou pa baha costo

MUNICH – Fabricante aleman di auto BMW ta prepara un reorganisacion mundial den cual 8.000 puesto di trabou lo wordo elimina den e proximo aña y mei. Esaki ta representa casi 5% di su 154.000 empleadonan. E recorte lo afecta casi tur departamento, pero no e empleadonan cu ta traha directamente den produccion di auto. Mas cu mitar di e puestonan cu lo desaparece ta na Alemania, y e compania ta spera logra esaki principalmente cu retiro natural y salida voluntario.

Segun informacion interno, e reorganisacion ta necesario pa haci BMW mas rentable y competitivo. E industria automotriz aleman ta enfrentando presion grandi door di competencia di fabricante chino y door di tarifa di importacion na Merca. BMW lo publica su resultadonan financiero di prome mitar di aña awe.