Magic FM ta modernisa cu inversion den tecnologia

ORANJESTAD – Magic 96.5 FM ta drenta un fase nobo di desaroyo cu inversionnan den tecnologia y infrastructura pa mehora e calidad di su transmision riba FM y streaming online.

Segun e emisora, entre e mehoracionnan ta un locacion nobo pa transmision na Hooiberg, renovacion di diferente sistema tecnico, computernan y ekiponan nobo, ademas di un sistema di automatizacion mas moderno. E personal tambe lo ricibi entrenamento pa uza e tecnologia nobo.

Magic FM a indica cu e inversionnan ta forma parti di un  strategia pa modernisa e emisora y fortalece su presencia tanto na Aruba como online.