Spaña ta gana Francia y ta avansa pa final di Mundial 2026

DALLAS – Spaña a confirma su lugar den e final di FIFA World Cup 2026 despues di a gana Francia cu marcador 2-0 den e prome semifinal di e torneo. La Roja a controla gran parti di e partido y a pone un freno na e atake peligroso di Francia pa sigura su pase pa e gran final.

Spaña a habri e marcador na minuut 22 ora Mikel Oyarzabal a converti un penal despues di un falta riba Lamine Yamal den area. Francia a purba reacciona, pero e defensa spaño a keda firme y a limita e oportunidadnan di Kylian Mbappe, Ousmane Dembele y Michael Olise.

Den e di dos mitar, Spaña a amplia e bentaha na minuut 58. Pedro Porro a culmina un combinacion rapido cu Dani Olmo pa pone e marcador 2-0, resultado cu finalmente lo a dicidi e encuentro. Francia a sigui buscando e gol, pero e portero Unai Simon a haci varios hugada importante pa mantene su arco limpi.

Cu e victoria, Spania ta bira e prome finalista di Mundial 2026 y awor lo spera pa sa kende lo ta su rival den e gran final.