Francia y Spaña ta habri semifinal di Mundial 2026

DALLAS – Dos di e gran favorito pa gana Mundial FIFA 2026, Francia y Spaña, lo enfrenta otro den un semifinal cu hopi hende ta considera un final anticipa. Tur dos seleccion a confirma nan favoritismo durante e torneo y awor ta lucha pa un luga den e gran final.

Spaña a impresiona cu su posesion di bala, precision tecnico y defensa solido, concediendo solamente un gol te awor. Sinembargo, e coranan lo enfrenta un reto grandi contra e atake explosivo di Francia.

Francia, kende a gana e Mundial na 2018 y a yega na final na 2022, ta busca su di tres final consecutivo. Den cuartos di final, Les Bleus a gana Marruecos 2-0 cu un actuacion controla.

Spaña, di su banda, a supera Belgica despues cu Mikel Merino a aprobecha un error di goalkeeper Senne Lammens pa sigura e victoria.

Spaña a gana e dos ultimo encuentro contra Francia, incluyendo un triunfo 2-1 den semifinal di Euro 2024. Sinembargo, Francia ta determina pa recupera su posicion como e seleccion dominante di Europa y logra un puesto den e final.