Yiu di Corsou Ceddanne Rafaela ta den All-Star pa prome biaha

ORANJESTAD – Beisbolista Ceddanne Rafaela, Yiu di Corsou, a haya un logro historico den su carrera profesional despues cu el a wordo escogi como reemplaso pa e MLB All-Star Game 2026. E hungador di Boston Red Sox ta entre e mehor hungadornan di Grandes Ligas pa prome biaha den su bida profesional.

Rafaela, cu ta un di e talentonan mas importante cu Caribe Hulandes a produci den beisbol profesional, a wordo nombra pa ocupa e lugar di superestreya Aaron Judge di New York Yankees, kende no por participa pa motibo di lesion.

E temporada aki, Rafaela ta disfrutando di e miho campaña di su carera. Te cu awor e ta bateando pa un promedio di .286, cu 8 home runs, 39 carrera impulsa y 12 base roba, cifranan cu a haci cu el ricibi e reconocemento mas halto den Grandes Ligas.

Pa Corsou y henter Caribe Hulandes, e seleccion di Rafaela ta un motibo di enorme orguyo. Su exito ta confirma e gran talento cu ta sali for di nos region y ta sirbi como inspiracion pa hopi hoben atleta cu ta soña di yega Grandes Ligas. E MLB All-Star Game 2026 tuma lugar diamars anochi na Citizens Bank Park na Philadelphia.