Promocion di pasashi aereo ta pone Aruba den mira di turista Brasilero

ORANJESTAD – Aruba ta sigui atrae interes di turista for di Brasil danki na promocionnan nobo di pasashi aereo cu ta ofrece bishitantenan oportunidad pa bishita e isla pa prijs atractivo.

Website di biahe Melhores Destinos a publica cu pasashi ida y buelta for di diferente ciudadnan di Brasil ta cuminsa na aproximadamente R$ 1.988 for di Manaus y R$ 2.066 for di São Paulo y otro ciudadnan.

E publicacion ta destaca cu, cu e temporada di friu cu ta afecta gran parti di Brasil, Aruba ta representa e destino ideal pa esun cu ta busca solo, laman blauw y beach cu santo blanco den Caribe.

Pa hende cu ta plania biaha durante luna di januari, e website ta menciona cu ainda tin oferta disponibel, cu prijsnan ta cuminsa na R$ 2.895 ida y bini for di Rio de Janeiro, R$ 3.273 for di Porto Alegre y R$ 3.305 for di São Paulo y diferente otro ciudadnan.

E promocionnan ta confirma cu Aruba ta sigui un destino hopi popular pa mercado Brasilero, un mercado cu ta sigui crece pa turismo di e isla.