Avion a cai den East River na New York

NEW YORK -Diahuebs, un avion chikito di tipo Kodiak 100 cu flotadornan a haci un aterisahe duro den East River na New York. Segun polis di New York, tur ocho persona cu tabata bordo a wordo rescata na bida.

Segun testigonan y imagennan publica riba social media, varios boto a yega lihe na e avion, cu a keda flota den awa.

Departamento di Bomberonan di New York (FDNY) a ricibi e yamada di emergencia alrededor di 12:01 di atardi, ora a wordo informa cu e avion a aterisa duro den e riu, noord di Williamsburg Bridge. E avion a keda drief den awa.

Ekiponan di rescate a saca ocho persona for di e avion. Polis a confirma cu tin algun heridanan leve, aunke no a duna mas detaye tocante e lesionnan.

Segun Autoridad Federal di Aviacion di Merca (FAA), un barra di e hala a kibra durante e aterisahe duro. E avion, un Kodiak 100 cu flotadornan, a wordo fabrica aña pasa y posteriormente a wordo hala bek pa un muelle pa investigacion.