Corsou ta celebra Dia di Himno i Bandera cu ceremonia oficial na Brionplein

WILLEMSTAD – Corsou ta conmemora awe, diahuebs 2 di juli, Dia di Himno i Bandera, un di e dianan nacional mas importante di e isla. E celebracion oficial ta tuma lugar na Brionplein y ta reuni representantenan di gobierno, autoridadnan, mucha di scol y miembro di comunidad pa honra e bandera y himno nacional.

E programa ta cuminsa tempran cu un presentacion musical di Axel & Friends. Despues, diferente grupo escolar y juvenil uniforma ta haci nan entrada ceremonial, sigui pa yegada di Gobernador di Corsou y e peloton di bandera.

Den oranan di mainta ta sigui e ceremonia oficial di hisamento di bandera, acompaña pa interpretacion di himno nacional di Corsou. Tambe tin un desfile di grupo escolar y juvenil, manera simbolo di orgullo nacional y unidad.

Durante e ceremonia, autoridadnan lo dirigi palabra na pueblo. Un di e momentonan culminante ta entrega di Krus di Mérito 2026, cu ta reconoce personanan cu a distingui nan mes door di nan contribucion na sociedad. Hobenan tambe lo participa den un presentacion especial bou di e tema "Mi Talento Pa Mi Pais – Youth Voices 2026."

E programa oficial ta termina den mainta, sigui pa un ultimo presentacion musical di Axel & Friends pa cerra e celebracion. Potret cortesia Dick Drayer.