- Front Page
- Politica
- Local
- Internacional
- Deporte
- Analisis
- Live
- LenguahePapiamento
- Huez: Investigacion adicional y informe psicologico ainda ta pendiente den caso di hit and run fatal
- Huez a habri caso bek di hit & run cu a resulta den morto di un turista
- Chauffeur femenino di hit & run a pidi huez p'e warda su caso den libertad
- OM: C.Fernandez Pedra ta enfrenta cinco acusacion serio den caso di hit and run fatal
- Cooperacion internacional ta bira mas importante den combate contra criminalidad financiero
- Huez: Investigacion adicional y informe psicologico ainda ta pendiente den caso di hit and run fatal
- Huez a habri caso bek di hit & run cu a resulta den morto di un turista
- Chauffeur femenino di hit & run a pidi huez p'e warda su caso den libertad
- OM: C.Fernandez Pedra ta enfrenta cinco acusacion serio den caso di hit and run fatal
- Cooperacion internacional ta bira mas importante den combate contra criminalidad financiero
Noticiacla ta celebra 12 aña awe cu imagen nobo, app renoba y mucho mas!
ORANJESTAD – Noticiacla ta celebra awe, 2 di juli 2026, su di 12 aniversario cu un paso importante den su desaroyo. Como parti di e celebracion, e portal ta presenta un imagen nobo, mas moderno y fresco, hunto cu diferente servicio adicional cu lo wordo lansa durante e proximo dos siman.
CRECEMENTO
E cas editorial Wired Media ta mira e renovacion aki como un paso natural den e crecemento di Noticiacla. Despues di 12 aña sirbiendo Aruba cu noticia liher, accesibel y mas importante, confiabel, a yega e momento pa duna e plataforma un presentacion mas actual, mas limpi y mas adapta na e forma cu publico ta consumi noticia awe.
E CAMBIONAN
E cambio ta cuminsa cu un logo renoba: mas fresco, moderno y profesional, manteniendo e globo (tambe renoba) como parti importante di identidad di Noticiacla. Den e proximo dos siman, publico tambe lo mira re-activacion di Noticiacla Nederlands, cu noticia na Hulandes, y Noticiacla English Version, cu noticia na Ingles. E decision aki ta bini como contesta directo riba demanda di lector y comunidad.
IMAGEN NOBO RIBA REDNAN SOCIAL
Tambe riba rednan social, manera Facebook y Instagram, Noticiacla lo presenta un imagen mas moderno, dinamico y visualmente atractivo. E meta ta pa presenta noticia di un forma mas actual, directo y impactante, sin perde e esencia cu lector a bin conoci durante e ultimo 12 aña.
APP RENOBA
E app di Noticiacla tambe a wordo renoba y ta entre otro, reactiva su servicio di breaking news. Tur usuario ta wordo invita pa actualisa nan app, mientras cu esnan cu ainda no tin e app por download e version nobo via App Store of Google Play.
GRADICIMENTO
Noticiacla ta expresa un danki profundo na tur su lectornan, comerciantenan y colaboradornan cu a sostene e plataforma durante 12 aña. Sin e apoyo di Aruba, e trayectoria aki no lo tabata posibel. Durante e proximo dos siman, e servicionan nobo y reintroduci lo cuminsa aparece gradualmente riba e plataforma. Danki Aruba, pa 12 aña di confiansa. Noticiacla ta sigui crece, innova y informa.