- Zr.Ms. Groningen ta bolbe rumbo pa La Guaira cu ayudo humanitario; Hopi cadaver den haf
- A crea un 'dump' chikito riba tereno di ex Club Caribe cu ta preocupa residentenan
- Aruba ta reuni mas di 100 palet di ayudo humanitario pa Venezuela
- WhatsApp cu cambio gigantesco: Nomber di usuario en bes di number di telefon
- Merca ta aumenta ayudo pa Venezuela cu mas di 300 miyon dolar despues di temblornan devastador
- Zr.Ms. Groningen ta bolbe rumbo pa La Guaira cu ayudo humanitario; Hopi cadaver den haf
- A crea un 'dump' chikito riba tereno di ex Club Caribe cu ta preocupa residentenan
- Aruba ta reuni mas di 100 palet di ayudo humanitario pa Venezuela
- WhatsApp cu cambio gigantesco: Nomber di usuario en bes di number di telefon
- Merca ta aumenta ayudo pa Venezuela cu mas di 300 miyon dolar despues di temblornan devastador
WhatsApp cu cambio gigantesco: Nomber di usuario en bes di number di telefon
LOS ANGELES – E aplicacion popular WhatsApp ta prepara un di e cambionan mas grandi den su historia. Pronto, usuarionan lo por crea un nomber di usuario (username) pa comunica cu otro hende, sin mester comparti nan number di telefon.
Segun WhatsApp, e funcion nobo ta enfoca principalmente riba privacidad. Pa hopi persona, un number di telefon ta informacion personal cu ta conecta cu hopi otro parti di nan bida. Cu e cambio aki, lo bira mas facil pa papia cu hende nobo of participa den grupo, sin mester revela e number di telefon.
E username no lo funciona manera un perfil di red social. No lo tin un directorio publico of un sistema pa busca otro usuario, y e no mester ta mesun nomber cu hende ta usa riba Instagram, Facebook of otro plataforma.
Ora e funcion ta disponible, usuarionan lo por reserva un username unico y comparti esaki cu esnan cu nan kier comunica cune. Conversacionnan nobo lo cuminza usando e username, enbes di mustra e number di telefon.
For di awe, algun usuario cu tin e version mas nobo di WhatsApp por reserva un username door di bay na Settings, despues Account y finalmente Username. Sin embargo, WhatsApp a confirma cu e funcion lo wordo activa pa tur usuario mas despues den e aña.
WhatsApp tambe a anuncia cu creadornan di contenido, negoshinan chikito y organisacionnan lo por reclama nan username actual di Instagram of Facebook pa usa mesun identificacion den WhatsApp.