- Mama di Shannaia: “Mi ta pidi solamente un proceso husto pa mi yiu”
- Matthew cu critica riba Corte: “Shannaia mester tin derecho na e abogado cu el a scoge”
- Cruz Cora Aruba ta lansa fondo special pa Venezuela: “Cada donacion ta haci diferencia”
- Daal: Cruz Cora Aruba ta pidi poco pashenshi pa cu donacionnan pa Venezuela
- GloboPay facilita el envío de remesas a Venezuela con tarifa ƒ0 de transferencia.
- Mama di Shannaia: “Mi ta pidi solamente un proceso husto pa mi yiu”
- Matthew cu critica riba Corte: “Shannaia mester tin derecho na e abogado cu el a scoge”
- Cruz Cora Aruba ta lansa fondo special pa Venezuela: “Cada donacion ta haci diferencia”
- Daal: Cruz Cora Aruba ta pidi poco pashenshi pa cu donacionnan pa Venezuela
- GloboPay facilita el envío de remesas a Venezuela con tarifa ƒ0 de transferencia.
Machado a considera usa Corsou como ruta pa bolbe Venezuela, pero mision a keda cancela
ORANJESTAD/WILLEMSTAD – Corsou a bira centro di atencion den un revelacion politico nobo publica door di Bloomberg. Segun e medio financiero internacional, lider di oposicion Venezolano Maria Corina Machado a intenta e siman pasa viaha for di Merca pa Corsou cu ayudo di contratistanan priva di seguridad, cu e meta final di drenta Venezuela.
Sinembargo, e plan no a sigui dilanti despues cu administracion di presidente Donald Trump a laga cla tanto na autoridadnan di Corsou y Venezuela, como tambe na e ekipo di Machado, cu Estados Unidos no tabata dispuesto pa respalda un regreso di e lider opositor na e momento ey.
Maria Corina Machado ta considera un di e figuranan politico mas influyente den oposicion Venezolano. Despues di gana e primarianan opositor na 2023 cu un mayoria abrumador, e gobierno di Nicolas Maduro a mantene su inhabilitacion politico, impidiendo cu el participa den eleccion presidencialnan. Despues di e eleccionnan controversial di 2024, Machado a pasa hopi luna den clandestinidad pa evita ser arresta.
Corsou no ta un isla straño den e historia di Machado. Na december di 2025, durante un operacion secreto di halto riesgo, el a logra sali di Venezuela den un boto rumbo pa Corsou, di unda posteriormente el a bula pa Noruega pa atende e ceremonia di Premio Nobel di Paz. E operacion tabata wordo considera extremadamente peligroso, y segun reportenan, a conta cu apoyo logistico di aliado internacionalnan.