Maneha sin rijbewijs ta sigui e delito cu mas ta sosode na Aruba

ORANJESTAD – Delitonan relaciona cu trafico ta sigui ocupa un lugar prominente den e statistieknan criminal di Aruba. Esaki ta sali claramente for di e Jaarverslag 2025 di Openbaar Ministerie (OM), cu ta mustra cu maneha sin rijbewijs tabata e delito cu mas a wordo registra durante e aña pasa.

Segun e cifranan oficial, un total di 2.055 caso di coremento di auto sin rijbewijs a wordo registra durante 2025. E cantidad aki ta hopi mas halto cu cualkier otro categoria criminal registra na Aruba. Na di dos lugar ta maneha bou di influencia di alcohol, cu 454 caso, sigui pa maltrato cu 436 incidente.

OM ta expresa preocupacion cu, apesar di campañanan di concientisacion y controlnan regular di polis, hopi conductor ainda ta tuma e riesgo di subi tras di stuur sin permiso legal pa conduci un vehiculo. Segun e ministerio, esaki no solamente ta representa un violacion di ley, sino tambe un riesgo directo pa seguridad den trafico.

E informe ta destaca cu maneha sin rijbewijs frecuentemente ta acompaña cu otro infraccionnan, manera falta di seguro, falta di documentacion valida y conduccion irresponsabel. Den varios caso, conductornan sin rijbewijs tambe ta resulta envolvi den accidente grave.

Openbaar Ministerie ta considera cu e situacion ta rekeri un combinacion di controlnan mas estricto, sancionnan efectivo y educacion continuo pa cambia comportamiento den trafico.

Ademas di e preocupacion pa conduccion ilegal, OM ta observa cu maneho bou di influencia di alcohol ta sigui siendo un problema persistente. A pesar di añanan di advertencia y campaña, cientos di conductor a wordo sorprendi durante 2025 conduciendo despues di consumi alcohol.

Segun OM, e cifranan ta mustra cu seguridad den trafico mester keda un prioridad nacional. Autoridadnan ta sigui traha hunto cu Polis Aruba y otro instancia competente pa reduci e cantidad di infraccionnan y evita accidente cu por costa bida humano.

E informe tambe señala cu, aunke e cantidad total di sospechoso den caso criminal a baha compara cu aña anterior, e delitonan di trafico continua representando un carga importante riba sistema judicial di Aruba.

Fuente: Jaarverslag 2025 Openbaar Ministerie Aruba. NOTA: E potret ta artificialmente crea y no ta representa ningun persona real.