Alan Greenspan, ex-presidente di Reserva Federal di Merca, a fayece na edad di 100 aña

NEW YORK - Alan Greenspan, e economista cu a sirbi como presidente di Reserva Federal di Merca durante mandato di cuatro presidente mericano diferente, a fayece dialuna na edad di 100 aña. Segun su casa, periodista Andrea Mitchell, Greenspan a muri na su cas pa complicacionnan relaciona cu enfermedad di Parkinson.

Greenspan a lidera Reserva Federal for di 1987 te 2006, un periodo den cual economia mericano a conoce crecimiento fuerte, inflacion abou y ganancianan importante den mercado di accion. E tambe a guia banco central durante diferente crisis financiero, incluyendo e crash bursatil di 1987 y e explocion di e "dot-com bubble" na cuminsamento di añanan 2000.

Na 1996, Greenspan a bira famoso mundialmente ora cu e a usa e termino “irrational exuberance” pa describi entusiasmo exagera di inversionistanan den mercado financiero. Sinembargo, su legado a keda conecta tambe cu e crisis financiero mundial di 2008. Aunque e ya no tabata a cargo na e momento ey, criticonan a argumenta cu algun di su politicanan monetario a contribui na e crisis hipotecario cu despues a provoca e recession economico mas grandi desde e Gran Depresion.

Greenspan mes a defende su actonan, indicando cu e la advirti tocante e riesgonan den mercado di vivienda hopi aña prome cu e colapso. E a reconoci cu comportamiento humano ta hunga un rol mucho mas grandi den economia cu e tabata pensa anteriormente.

Naci na New York City na 1926, Greenspan a demonstra talento pa matematica desde chikito. Prome cu e bira economista, e la studia musica na Juilliard School. Despues e a haya titulo universitario, master y doctorado den economia.

Durante su carrera, Greenspan a sirbi como consehero economico pa presidente Gerald Ford y despues como asesor pa presidente Ronald Reagan. Reagan a nombra dje como presidente di Reserva Federal na 1987. Despues e a wordo renombera pa e cargo pa presidentenan George H. W. Bush, Bill Clinton y George W. Bush.

Despues di su retiro na 2006, Greenspan a keda reconoci como un di e figuranan economico mas influyente den historia moderno di Merca. Su impacto riba politica monetario mundial y sistema financiero internacional ta sigui siendo tema di estudio y debate te awe.