- Analisis: Biahamento di mandatario na evento grandi no ta problema, pero transparencia ta clave
- Prensa internacional ta mira mas cu score: Corsou a perde 7-1, pero a gana respet mundial
- Entrenador di Tunesia despedi despues di goleada na Mundial
- Hulanda a cuminsa Mundial cu 4,2 miyon televidente
- PPA ta elogia AVP riba HOFA, pero AVP ta rechasa invitacion di PPA
- Analisis: Biahamento di mandatario na evento grandi no ta problema, pero transparencia ta clave
- Prensa internacional ta mira mas cu score: Corsou a perde 7-1, pero a gana respet mundial
- Entrenador di Tunesia despedi despues di goleada na Mundial
- Hulanda a cuminsa Mundial cu 4,2 miyon televidente
- PPA ta elogia AVP riba HOFA, pero AVP ta rechasa invitacion di PPA
Corsou a ricibi prensa internacional durante su debut historico na Mundial FIFA
WILLEMSTAD – Den celebracion di e participacion historico di Corsou na Mundial FIFA pa prome bez, Corsou Tourist Board (CTB) a invita varios representante di medio internacional pa bishita e isla. Segun un articulo publica pa Curacao Chronicle, e iniciativa tin como meta duna periodista y creadornan di contenido un experiencia directo di e emocion y orguyo nacional cu a surgi despues cu Corsou a clasifica pa Mundial FIFA 2026, mientras tambe ta promove e atractivonan unico di e isla.
E delegacion di medio cu ta bishitando Corsou ta inclui cadena di television, estacion di radio, periodiconan, revista deportivo, plataforma digital, equipo di produccion deportivo y influencer di redes social.
Varios representante di medio internacional lo ta presente na e Blue Wave Watch Parties programa pa 14, 20 y 25 di juni, coincidiendo cu e prome tres partidonan di Corsou na Mundial. Entre e medio confirma tin The Times, ARD, FHM, Men's Health, Metro y tambe Power FM. Nan cobertura lo enfoca riba e ambiente especial rond di participacion historico di Corsou na Mundial y e celebracionnan cu ta tuma lugar na tur rincon di e isla.
Anteriormente, otro grupo di periodista internacional ya a bishita Corsou pa sigui e entrenamiento habri di seleccion nacional y e partido amistoso entre Corsou y Aruba. Entre nan tabatin representante di ESPN Brasil, Placar, TeleAruba, 24Ora, XFM y medio di Trinidad y Hulanda.
E prome grupo di bishitantenan internacional a participa tambe na apertura di Blue Nation y a mira e espectacular iluminacion blauw cu a cubri Willemstad. Entre e medio presente tabatin NOS, AD, Voetbal International, ZDF, La Nación y influencer for di Chile y Peru.
Segun CTB, e bishitanan di medio internacional ta forma parti di un estrategia pa aprobecha e enorme atencion mundial cu Corsou ta ricibi gracias na su debut na Mundial FIFA. Ademas di futbol, e cobertura internacional lo pone enfoke riba cultura, gastronomia, atractivonan turistico y hospitalidad di Corsou.
Pa Aruba, e presencia di medio arubiano manera Power FM, TeleAruba, 24Ora y XFM den e programa internacional aki ta confirma tambe e interes grandi cu tin den nos region pa e aventura historico di Corsou na Mundial 2026.