Aruba a lansa su marca nobo den America Latina cu enfoke riba turismo consciente y sostenible

ORANJESTAD – Autoridad di Turismo di Aruba (ATA) a completa e lanzamiento regional di su  posicionamento nobo di marca, “When You Love Aruba – Aruba Loves You”, den cinco mercado strategico di America Latina: Colombia, Chile, Peru, Brasil y Argentina.

E campaña nobo ta busca cambia e relacion entre Aruba y bishitantenan, promoviendo un forma di turismo mas consciente, responsable y reciproco. Segun ATA, Aruba no kier solamente wordo mira como un destino di vakantie, sino como un lugar unda bishitantenan por conecta cu e comunidad, respeta e medio ambiente y contribui positivamente na e isla.

E vision nobo ta basa riba tres pilar principal: Turismo responsabl, Experiencianan transformador, Reciprocidad entre bishitante y comunidad.

Durante e presentacionnan den e diferente paisnan, ATA a reuni cu agente di biahe, socionan comercial, creadornan di contenido y periodista pa presenta e compromiso di Aruba cu un modelo di turismo mas sostenible.

Un otro aspecto importante di e estrategia ta promove Aruba como destino ideal pa grupo y biahenan corporativo, combinando actividadnan cu impacto social, cultural y ambiental.

ATA a enfatisa cu e felicidad y bienestar di habitantenan di Aruba ta esencial pa e experencia di cada turista. Pa e motibo ey, e isla ta sigui inverti den iniciativa pa proteha su recurso naturalnan y fortalece e calidad di bida di su comunidad.

Como parti di e filosofia aki, Aruba ta promove tambe e iniciativa “My Aruba Promise”, cu ta invita bishitantenan pa compromete conscientemente cu cuido di e isla, su naturaleza y su pueblo.

Segun ATA, hopi biaheronan moderno ta busca experencianan autentico cu ta bai mas leu cu turismo tradicional. Cu e   posicionamento nobo, Aruba kier sigui lidera den Caribe como un destino cu ta combina sostenibilidad, conexion humano y desaroyo responsable.

E mensahe principal ta cla: bishita Aruba no ta solamente pasa vacantie na un isla, sino bira parti di dje.