Aruba ta reuni experto regional den salud publico cu DuCaPHEN 2026

ORANJESTAD – Aruba lo ta anfitrion di reunion 2026 di Dutch Caribbean Public Health Expertise Network (DuCaPHEN), reuniendo lidernan y experto den salud publico for di Caribe Hulandes y Reino Hulandes.

E evento ta wordo organiza den colaboracion cu RIVM y tin como meta fortalece cooperacion regional, preparacion y resiliencia den salud publico.

Durante conferencia di prensa, Minister di Salubridad Melvin Wyatt-Ras a enfatisa importancia di colaboracion y intercambio di conocemento pa enfrenta retonan comun den salud.

Segun Departamento di Salud Publico (DVG), den un mundo unda enfermedadnan y crisisnan por propaga rapido, coordinacion regional ta mas importante cu nunca.

Temanan principal durante e encuentro lo inclui prevencion di enfermedad contagioso, preparacion pa emergencia, control di vector y epidemiologia.

Cu DuCaPHEN 2026, Aruba ta reafirma su compromiso cu innovacion y cooperacion regional pa fortalece sistemanan di salud den Caribe Hulandes.