DEZHI awor ta opera for di Cas Veneranda na Wilhelminastraat

ORANJESTAD – Departamento di Asunto Economico, Comercio y Industria (DEZHI/DEACI) a anuncia oficialmente cu e departamento a muda pa un localidad nobo situa na Wilhelminastraat 7, den edificio historico Cas Veneranda.

Cu e mudanza aki, DEZHI ta busca sigui fortalece y modernisa su servicio na comunidad y sector comercial di Aruba, brindando un ambiente mas accesibel y eficiente pa ciudadano nan y empresario nan.

Departamento a informa cu e Helpdesk di “Permiso pa Negoshi”, situa na planta abou di e edificio, ta habri pa publico diariamente for di 8:00 di mainta te 11:30 di mainta, y despues atardi for di 1:30 te 4:00.

Personanan cu mester mas informacion tocante permiso di negoshi of otro servicio di DEZHI por tuma contacto na number 521-2400 of bishita website oficial di e departamento.