Minister Gerlien Croes ta impulsa mehoracion di enseñansa multilingual

ORANJESTAD – Minister di Educacion, Gerlien Croes, ta sigui cu plan pa fortalece enseñansa multilingual den scolnan basico, incluyendo Papiamento, Hulandes, Ingles y Spaño.

Ministerio di Educacion a organisa consultanan cu maestronan di klas 1, 2 y 3 pa discuti mehoracion di curiculo, material educativo y profesionalisacion di maestro. E iniciativa ta sigui despues di e cambionan introduci den scol basico desde 2024, unda Papiamento a bira e idioma principal pa siña lesa y skirbi.

Investigacion preliminar a mustra cu maestro nan tin necesidad di mas sosten y training. A base di e recomendacionnan ricibi, ministerio a desaroya un programa pa sigui fortalece enseñansa multilingual.

Cu apoyo financiero di Hulanda, gobierno lo inverti den material educativo nobo y desaroyo profesional. Segun minister Croes, e meta ta pa crea un sistema di enseñansa inclusivo unda muchanan por desaroya nan dominio di diferente idioma nan.