- Aruba tin un miyonario nobo cu a gana 1.425.000,= florin
- AMMF: Dolfijn Charlie ta sigui recuperando na Aruba
- ARUBA DOET 2026 ta move Aruba: 135 proyecto ta cambia bario y comunidadnan
- Rainbow Warriors ta propone codigo di conducta pa sector di UTV, ATV, e-bike y e-scooter
- 813 coredor lo conkista Aruba awe nochi durante e historico 34 edicion di Ronde van Aruba
Tres morto den persecuccion na Hulanda: OM a dicidi cu polis no tin culpa
DEN HAAG – E agente policialnan cu a persigui un auto na Den Haag na final di aña pasa, no ta responsable pa e choke fatal cu a sigui. Esaki ta e conclusion di Openbaar Ministerie despues di un investigacion. E agente involucra no lo wordo persegui.
Den e accidente cu a sosode riba 4 di december riba Bezuidenhoutseweg, tres persona cu tabata den e auto a perde nan bida. Un cuarto persona a keda herida. E victimanan tabata dos muhé di 20 y 21 aña y un homber di 24 aña, tur tres di Den Haag.
E conductor a haya un señal pa stop durante anochi pa exceso di velocidad, pero e la ignora esaki. Polis a sigui e auto durante varios kilometro. Investigacion a mustra cu e auto di polis tabata bay entre 130 y 140 kilometro pa ora, mientras cu e auto cu tabata huyendo tabata bay ainda mas rapido.
Riba Bezuidenhoutseweg, e conductor a perde control riba e stuur y a dal contra un palo. Despues di e impacto, e auto a pega candela. E auto di polis no tabata involucra directamente den e choke.
Segun investigacion di Rijksrecherche, manera Openbaar Ministerie a confirma, e agente policialnan a sigui tur instruccion durante e persecuccion. Nan a mantene suficiente distancia y a baha velocidad na e ultimo momento. Spoornan riba caminda ta mustra cu e auto a topa cu un rand di trottoir y despues a skid. Pa esaki, OM a conclui cu polis no tin nada cu por wordo reprocha.
Organisacion “Namens de Familie”, cu ta asisti familiar di e victimanan, a indica cu e familiar di e dos muhe no tin nada pa añadi na e resultado di investigacion. OM a confirma cu e sobreviviente y familiar ainda tin opcion pa inicia un procedimiento di articulo 12, cu por obliga OM reconsidera si lo tin un caso penal.
Ex minister Plasterk ta critica bishita extenso di Jetten na seis islanan di Reino
AMSTERDAM – Ex-minister di Relacionnan di Reino Ronald Plasterk a critica prome minister hulandes Rob Jetten pa su extenso bishita na Caribe Hulandes fuertemente, incluyendo Aruba. Segun Plasterk, ta “incomprendibel” cu Jetten ta dedica tanto tempo na e islanan mientras cu “mundo ta na candela”.
Douane na Hulanda a intercepta 43 miyon cigaria ilegal den un luna
ROTTERDAM - Autoridadnan di douane na Hulanda a logra intercepta mas cu 43 miyon cigaria ilegal den solamente un luna. E mayoria di e cargamentonan a wordo descubri den containernan maritimo den haf di Rotterdam, hopi biaha cu yudansa di cacho specialisa. Te awor, por lo menos diez sospechoso a wordo aresta.
Raad van State: Hulanda no a demonstra pakico Aruba mester ley pa kita nacionalidad di terroristanan
ORANJESTAD – Afdeling advisering di Raad van State di Reino Hulandes a conclui cu gobierno hulandes no a fundamenta suficientemente pakico ta necesario pa haci e ley cu ta permiti kita nacionalidad hulandes di personanan cu ta uni cu organisacionnan terrorista na exterior, algo permanente.
Eurovisie Songfestival ta cuminza: cu Israel pero sin Hulanda
AUSTRIA – Eurovisie Songfestival ta cuminza awe anochi den Stadthalle na Austria, pero e biaha aki sin participacion di Hulanda. AVROTROS a decide pa no participa despues cu organizacion EBU a confirma cu Israel lo sigui participa den festival. Austria ta organisa e evento despues cu cantante JJ a gana anja pasa cu e cancion “Wasted Love”. Ta e di tres biaha den historia cu Austria ta organiza Eurovisie. Hulanda solamente dos biaha anteriormente no a participa den festival, pero esta biaha e decision ta politico. Tambe Spaña, Slovenia, Islandia y Irlanda a decide di no participa.
Hantavirus: Stewardess hulandes di KLM ta test negativo , pero mas britaniconan infecta
AMSTERDAM - World Health Organization (OMS) a confirma cu e stewardess hulandes di KLM cu tabata den aislamiento na Amsterdam, no tin hantavirus. Testnan a confirma cu e no a wordo infecta, apesar cu durante su trabou na Johannesburg el a drenta den contacto cu un hende hulandes cu posteriormente a muri despues di a wordo infecta abordo di crucero MV Hondius.
CBCS ta lansa monedanan commemorativo pa celebracion di clasificacion di Corsou pa Mundial
AMSTERDAM - Centrale Bank van Curacao en Sint Maarten (CBCS) ta lansa dos moneda commemorativo special pa honra clasificacion historico di seleccion di futbol di Curacao pa Mundial di Futbol. Ta trata di un moneda di plata di cinco florin y un moneda di cincuenta cent.
Follow NoticiaCla
