Seleccion di Aruba Mustang 9U a sali campeon di e torneo na Costa Rica

Posted on 04/29/2026 4:08 pm AST | Updated on 04/29/2026 4:09 pm AST

ORANJESTAD - E Team Aruba Mustang 9U cu a biaha pa Costa Rica dia 22 pa 28 di april pa representa Aruba na e campeonato di Pony Mustang 9U Premundial, ta bolbe bek cu e copa di Campeon Serie del Cariba Mustang 9U. Cu e triunfo aki e ekipo a gana su puesto den e Mundial di Pony League 9U na California na juli venidero; ambos ta competencianan internacional importante cu ta ofrece atletanan hoben e oportunidad pa competi na un nivel halto, mientras ta promove intercambio cultural, teamwork, y desaroyo personal.

E team ta consisti di atletanan jong y hopi dedica na e deporte, representando 4 diferente team cu a hunga Pony Leagua na Aruba durante un short-tournament di Pony. E peloteronan ta di edad di 8 y 9 aña, nan a train incansablemente y a mustra compromiso, disciplina y sportsmanship te na e ultimo momento.

E ekipo di baseball di Aruba Mustang 9U cu a wordo selecta pa representa nos pais a bisti e color di Aruba su bandera orguyosamente mientras nan a competi den exterior contra teamnan di henter e region. E peloteronan a hunga contra ekiponan di Costa Rica Host Rojo (17-4), Colombia (3-5), Ecuador (18-3), Nicaragua Rojo (9-2), Nicaragua Azul (semifinal 14-4) y un biaha mas contra Nicaragua Rojo durante e wega final – un partido cu hopi tension – pero Team Aruba a sa di mantene e spirito di baseball y di deporte hubenil halto y a sali victorioso cu un puntuahe di 19-13.

Hungadonan di e team ta Omaric Andrade, Aiden Brete, Osdin Croes, Yermaine Croes, Rushen Faria, Eduard Flanegin, Gerzion González, Nathan Maduro, Xyfer Stamper, Zhaèr Thompson, J’Sean Toppenberg y Clint Westerburger. Staf di entrenamento ta Imro González, Aigil Brete, Elvis Brete, y Eddy Flanegin como e manager di team.

813 coredor lo conkista Aruba awe nochi durante e historico 34 edicion di Ronde van Aruba
SAVANETA – E ambiente na Marinierskazerne Savaneta tabata yen di emocion, tension y orguyo durante briefing oficial di e 34 edicion di e famoso Ronde van Aruba, unda oficialmente a confirma cu no menos cu 813 participante lo reta nan curpa y mente den e agotador careda di 72 kilometer rond di Aruba. E evento, cu durante decenionan a bira uno di e competencianan di resistencia mas iconico di Caribe Hulandes, lo wordo cori awe diabierna 15 di mei y sigui te mainta dia siguiente. E careda, cu ta cubri practicamente henter perimeter di Aruba, ta combina resistencia fisico, disciplina mental y trabao di ekipo den un reto unico cu cada aña ta atrae mas corredor local y internacional.
Mas Deporte
Lesa Mas
Max Verstappen ta cuminsa careda di 24 ora di Nürburgring for di cuater posicion
NÜRBURGRING - Max Verstappen, coredo hulandes di careda di Formula 1, y su compañeronan di ekipo lo cuminsa e famoso carrera di 24 ora di Nürburgring for di cuarta posicion. Compañero di Verstappen, Daniel Juncadella, no a logra sigui e ritmo di e Lamborghininan liher cu a conquista prome y di dos lugar durante clasificacion.
Mas Deporte
Lesa Mas
Exitoso Women in Para Sport Forum na Aruba
ORANJESTAD - Aruba tabata anfitrion di e di cuatro edicion di e Women in Para Sport Forum, unda participante y atleta paralimpico for di diferente pais den continente America a reuni pa tres dia di actividad y intercambio di experiencia.
Mas Deporte
Lesa Mas
La Leyenda Island Series 2026 ta trece un evento internacional di ciclismo na Aruba
ORANJESTAD - Riba diaranson 6 di mei, a firma e contract oficial entre La Leyenda Island Series y Aruba Tourism Authority (A.T.A.), marcando un paso importante den e preparacion y ehecucion di e prome edicion di La Leyenda Island Series Aruba. Entre e representantenan presente tabata Ronella Croes, CEO di Aruba Tourism Authority, hunto cu demas representantenan di A.T.A., Brian Patrick Murphy O’Neill di La Leyenda Island Series y Jeanuar de Palm di The Caribbean Trail Legends Foundation y demas representantenan.
Mas Deporte
Lesa Mas
Registracion pa Aruba Bank Walk & Run 2026 ta diahuebs
ORANJESTAD - Registracion pa e 20 edicion di Aruba Bank Walk & Run 2026 ta habri diahuebs 7 di mei pa 6or di atardi via e sistema online. Participantenan por registra via website di Aruba Bank, social media of Aruba Bank Walk & Run App.
Mas Deporte
Lesa Mas
Un total di 42 scol a participa den Weganan Escolar 2026
ORANJESTAD - Durante dos siman, alumnonan di scol preparatorio, basico y avansa a participa den Weganan Escolar 2026, un competencia deportivo organiza pa promove deporte, amistad y positivismo entre hoben na Aruba.
Mas Deporte
Lesa Mas